@حقوق محفوظة 2013
وضع الرضاعة الطبيعية الصحيح للرضيع
كيف تحصلين على إدرار مثالي للحليب
طريقة عمل تورتة و تزينها
مقادير الكيك الأسفنجية
ثماني بيضات مفصولين البياض عن الصفار
جرام 200 سكر مطحون
ثلاث اكواب و نصف دقيق منخول مضاف عليه ملعقة نشا كبيرة
ثلاث أكياس فانليا
البيض
ثلاث معالق كاكاو
ملعقه كبيرة محسن الكيك يضاف عالصفار
مقادير تزيين التورتة
عدد 3 طبقات كيك اسفنجي بالشيكولاتة
مقدارشربات الخفيف مقداركريم شانتي
مقدارشيكولاتة مبشورة مقدار الكريز او العنب الأحمر
طريقة عمل الكيك الأسفنجية
نطلع البيض من الثلاجة
و نفصل البياض عن الصفار على طول بيكون أسهل فى بدايه طلوعه من التلاجة ونسيبهم حوالى ساعة عشان يكونوا بدرجة حرارة الغرفة زيهم زى باقى
المكونات
نجهز الصينية بدهنها بسمن
نجهز الدقيق والنشا ونطحن السكر
نولع الفرن على درجة 180 درجة قبل ضرب البيض لازم الفرن يسخن ثم نضيف 2 كيس فانيليا على صفار البيض أولا ونبتدى نضيف نصف كميه السكر بالتدريج عالسرعة الأولى لحد ما يختلط الصفار بالسكر
نضيف ملعقة المحسن ونضرب على أقصى سرعة
لحد أما نحصل على خليط كريمى
نضيف 2 كيس الفانيليا والخل على بياض البيض ونبتدى نضيف السكر بالتدريج عالسرعة الأولى وبعدين نعلى السرعة على أقصى حاجة لحد أما نوصل للمارينج
أبتدى أضيف الدقيق المنخول والمضاف إليه النشا عالصفار معلقة معلقة وأقلب من فوق لتحت فى إتجاه واحد بالراحة معلقة معلقه طبعا الخليط بيتخن معايا أول ما أحس إن خلاص مش حينفع أكمل مقدار الدقيق أبتدى أضيف المارينج بالتدريج وأكمل الدقيق خلاص خلصت الدقيق أكمل بقيه المارينج برضه بالراحه خالص لحد ما يمتزج المقدار كله على بعضه ثم نضيف الكاكاو ثم صبيه فى الصينيه
حنحط الصينيه فى الفرن 40 دقيقة على الرف الأوسط
نختبر الكيك بعصايه خشب طويله من بتوع الشيش طلعت مافيهاش حاجة تمام طلعت فيها آثار كيك يبقى ماستوتش من جوة نسيبها 10 دقايق كمان بس أعتقد كدة إننا حنستعيين بصينيه ميه بخل على الرف التحتانى عشان الكيك ما ينشفش الحاله دى بواجهها أما بتكون الفرن حاميه قوى قوى فتنتفخ الكيكة وتحمر بس بتكون لسه مااستوتش من جوة طبعا لو خرجت بالشكل دة حتهبط
إطمنت إن الكيكة إستوت أقفل باب المطبخ وأطلع الكيكه بالراحه على حاجة خشب وأسيبها تهدى خالص
طريقة التزيين
هنجيب طبقات الكيك بتاعتنا
هنجيب اول طبقة وندهنها بالشربات الخفيف
نحط عليها طبقة الكريم شانتي
تانى طبقة نفس الطريقة ونحط الكريمة
الطبقة التالته والأخيرة
نبدأ اول حاجة في تزيين الجوانب
والخطوة المهمة كمان قبل التزيين
اننا لازم نضع تحت التورتة طبقة الكرتون المغطاه بورق السيلفر علشان نعرف ننقلها في الطبق بعد مانخلص وهي بتكون عند اى محل حلوانى
نكمل تزيين على الوجه
نجيب شيكولاتة مبشورة
نرش على الوجه ونملأ الأجناب
نعمل وردات بالكريم شانتي
نجيب الكريز او العنب الأحمر
ونزين وردات الكريم شانتى بيها
انقلي التورتة فى طبق لحلوانى بحرص شديد جدا
ثم ضعيها في الثلاجة ساعتين تلاتة قبل تقديمها
